Ferring компаниясы туралы

Ferring Pharmaceuticals – бұл ұрпақ өрбітуге жарамды денсаулықты қорғау, онкология, урология, гастроэнтерология, эндокринология және ортопедия сияқты салалардағы инновациялық өнімдерді іздеумен, әзірлеумен және сатумен шұғылданатын биофармацевтикалық компания.

Компанияның зерттеушілік қызметі мен өнімдері бірыңғай мақсатпен – организмнің ресурстары мен функционалдық мүмкіндіктерін пайдалана отырып, түрлі аурулармен және патологиялармен күресуге қабілетті арнайы препараттарды  жасап шығарумен байланысты

Ferring компаниясының Еуропаның бірнеше елдерінде, сондай-ақ, Оңтүстік Америкада, Израильде және Қытайда меншікті кәсіпорындары бар. Қазіргі кезде де АҚШ пен Үндістанда жаңа зауыттарының құрылысы жүріп жатыр. 2005 жылы Bio-Technology General компаниясын сатып алуы Ferring компениясына фармацевтикалық өндірістің анағұрлым дәстүрлі әдістерімен қатар, рекомбинантты биотехнологияларды игеруге мүмкіндік берді.

Ferring компаниясының маркетинг, медициналық қызметтер, бөлшек және көтерме сауда-саттық бөлімшелері іс жүрінде 60 емлде жұмыстануда, ал басқарылуы Швейцариядағы Сан-Пре қаласындағы бас кеңсесі арқылы жүзеге асырылады. Компанияның бүкіл әлемдегі қызметкерлерінің саны 5000 адамды құрайды, ал оның өнімдері 110 елде қолжетімді. Өз қызметінің мұндай кең ауқымды географиясының арқасында компания соңғы екі онжылдық ішінде жылдық өсімнің екі таңбалы көрсеткіштеріне қол жеткізді.